Бүгүн көпчүлүк аймактарда өткүн өтүшү ыктымал

Turmush — Бүгүн, 24-июлда көпчүлүк аймактарда өткүн өтүшү ыктымал. Бул тууралуу ӨКМден кабарлашты.

Маалыматка караганда, Ысык-Көл облусунун көпчүлүк аймактарында, Чүй, Ош, Баткен, Нарын облустарынын айрым жерлеринде, Жалал-Абад облусунун тоо этектеринде жана тоолуу райондорунда, Талас облусунун тоолуу райондорунда өткүн өтүшү күтүлөт. Жалал-Абад облусунун өрөөндөрүндө, Талас облусунун дыйканчылык аймактарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн.

24-июлдан 26-июлга чейин туруксуз аба ырайына жана күтүлүп жаткан локалдуу нөшөрлүү жаан-чачынга байланыштуу, республиканын тоолуу жана тоо этектериндеги райондорунда сел жүрүшү мүмкүн. Дарыяларда суунун деңгээли көтөрүлүшү ыктымал.