Азамат Дүйшеев Өзгөндүн акиминин биринчи орун басары болду. Ал тууралуу эмне белгилүү?

Turmush — Дүйшеев Азамат Раимжанович Ош облусунун Өзгөн райондук мамлекеттик администрациясынын башчысы — акимдин биринчи орун басары болуп дайындалды.

Turmush басылмасына маалым болгондой, ал кечээ, 22-октябрда жамаатка тааныштырылды.

Буга чейин Өзгөн районунун акиминин биринчи орун басары болуп Мамадалиев Шакир Шамшидинович иштеп жазган. Ал өз каалоосу менен кызматтан бошотуу тууралуу арыз жазган.

Азамат Дүйшеев 1982-жылы 28-мартта Өзгөн районунун Ийри-Суу айылында туулган.

Билими:

— 1999-2006-жылдары Ош технологиялык университетинде экономист адистиги;

— 2008-2012-жылдары Ош мамлекеттик университетинде юрист адистиги боюнча билим алган.

Эмгек жолу:

— 2003-жылы Мамлекеттик салык кызматынын Өзгөн райондук башкармалыгында инспектор;

— 2005-жылы Мамлекеттик каттоо кызматында топограф;

— 2008-жылы Мамлекеттик салык кызматынын Ош шаары боюнча башкармалыгында инспектор;

— 2010-2012-жылдары жеке ишкер;

— 2012-2013-жылдары Ийри-Суу айыл аймагында жергиликтүү кеңештин депутаты;

— 2013-2016-жылдары Ийри-Суу айыл өкмөтүнүн башчысы;

— 2016-жылы Жүргүнчүлөрдү ташуу агенттигинде бөлүм башчы;

— 2017-2018-жылдары жеке ишкер;

— 2019-жылдан бүгүн күнгө чейин «Өзгөн таза суу» муниципалдык ишканасында жетекчи;

— 2021-2014-жылдары Ийри-Суу айыл аймагында жергиликтүү кеңештин депутаты.