Turmush — Бүгүн, 1-июнда Ош облусунун Араван районунда турмуш шарты оор үй-бүлөлөрдүн балдарына майрамдык иш-чара уюштурулду.

Акимдин орун басары Бактыбек Осмоновдун айтымында, иш-чара райондук маданият үйүндө өттү. Аз камсыз болгон үй-бүлөлөрдүн балдары, ата-энесинен эрте ажыраган балдар, мектептеги алдыңкы окуучулар чакырылды.

Район боюнча 400гө жакын балага белектер берилип, оюн-зооктор уюштурулду. Балдар арасында шахмат, кыздар арасында шашки, асфальтка сүрөт тартуу сынактары өткөрүлүп, жеңүүчүлөргө белек тапшырылды.