Анын 25 жаштагы бир тууган иниси кармалды

Turmush — Бакай-Ата районунун Кызыл-Сай айылындагы 30 жаштагы тургундун өлүмүнө шектелип бир тууган иниси кармалды. Бул тууралуу Turmush басылмасына бүгүн, 25-июнда Талас ОИИБден кабарлашты.

Маалыматка караганда, 22-июнда милицияга маркумдун 1999-жылы туулган иниси М.Ж. арыз менен кайрылган. Ал 1994-жылы туулган бир тууган агасы М.К. 21-июнь күнү саат 19:00 чамасында үйдөн чыгып кеткен бойдон дайынсыз болуп жатканын билдирген. Аталган арыз Бакай-Ата РИИБде каттоого алынып, издөө иштери башталган.

Анын сөөгү кечээ, 24-июнда саат 18:30 чамасында өзү жашаган үйдүн сарайынын жер төлөсүнөн табылды. Ал киши колдуу болуп көз жумган. Бул факты боюнча Кылмыш-жаза кодексинин 122-беренесинин 1-бөлүмү боюнча (адам өлтүрүү) кылмыш иш козголгон. Ыкчам иш-аракеттердин жыйынтыгында кылмышка шектүү катары маркумдун милиция арыз жазган бир тууган иниси М.Ж. кармалып, Талас ОИИБдин убактылуу кармоочу жайына камакка алынды.

Учурда тийиштүү соттук-экспертизалар дайындалып, тергөө амалдары жүрүп жатат.

Окуя тууралуу:

Буга чейин Бакай-Ата районунун Кызыл-Сай айылында изделип жаткан 30 жаштагы М. уулу К.нын сөөгү кечээ, 24-июнда өзүнүн үйүндөгү жер төлөдөн табылганы белгилүү болгон.

Айылдаштарынын айтымында, ал дайынсыз жоголуп кетти деп 22-июндан бери изделип жаткан. Туугандары белгисиз тарапка кетип, келбей калды деп, айыл тургундары издөөгө жардам беришкен.

Покойный М. у. К.