Turmush — Чүй районунан 5 окуучу «Алтын тамга» артыкчылык аттестатына ээ болду. Алардын ичинде эгиздер Лилия жана Маргарита Лулаковалар бар.

Эгиздер В.Ф.Маркова атындагы №1 мектепти аяктап жатышат. Алар төрт бир туугандын улуусу. Ата-энеси — Оксана Лулакова, Роман Лулаков.

Бүтүрүүчүлөр 2006-жылы 28-июлда Чүй айылында төрөлүшкөн.

Лилия: «Азырынча кайсы окуу жайга жана кайсы факультетке тапшырарымды чече элекмин. Бош убактымда китеп окуганды жана гитара ойногонду жакшы көрөм. Сабактардын ичинен математиканы жакшы көрөм», — деди.

Маргарита: «Азыр кесип менен окуу жайды тандап жатам. Бош убактымда китеп окуганды, музыка укканды жана тамак жасаганды жакшы көрөм. Орус тили, адабияты жана англис тили сыяктуу гуманитардык предметтерди жактырам», — деди.

———

2023-2024-окуу жылынын жыйынтыгы менен «Алтын тамга» артыкчылык аттестатын алуу укугун 149 бүтүрүүчү тастыктады.

Аймактар боюнча:

Бишкек шаарынан – 68 окуучу,

Чүй облусунан – 20 окуучу,

Ош облусунан – 17 окуучу,

Жалал-Абад облусунан – 9 окуучу,

Баткен облусунан – 9 окуучу,

Талас облусунан – 8 окуучу,

Ысык-Көл облусунан – 6 окуучу,

Нарын облусунан – 6 окуучу,

Ош шаарынан – 6 окуучу.

Тестирлөө 14-майда республика боюнча 36 пунктта өткөрүлүп, ага 2211 окуучу катышты. Талапкерлер «Алтын тамга» тестин 4 предмет боюнча тапшырышты — математика, эне тили жана адабияты, Кыргызстандын тарыхы жана химия .

«Алтын тамга» тестинин жыйынтыгы боюнча 17-19-майда апелляция жүргүзүлүп, 181 кайрылуу түштү.

Былтыр «Алтын тамга» аттестатына 167 бүтүрүүчү ээ болгон.