Turmush — Жумгал райондук жалпы дарыгерлер практикалык ооруканасы 97 жыл мурун уюшулган. Бир кылымдык тарыхы бар бейтапкана тууралуу аймактык кабарчы маалымат топтоду.

1927-жылы боз үйдө түптөлгөн оорукана Жумгал дарыгердик амбулаториясы деп аталып, анда Камышыченко аттуу ак халатчан жетекчилик кылган.

1930-жылы 25 койкалык оорукана болуп ачылып, Россиядан келген Бакин аттуу дарыгер башчылык кылган. Аны менен чогуу 4 кызматкер менен эмгектенген.

1939-жылы 40 койкалык ооруканага Украинадан комсомолдук жолдомо менен 4 дарыгер, 16 медайым, башкы дарыгер Капинос Фаина Платоновн келип, 1989-жылга чейин эмгектенишкен.

1950-жылы 45 койкалык оорукана болуп, 6 дарыгер жана 37 медайым иштеген. 1961-жылы 75 койкалык оорукана болуп, 20 дарыгер жана 65 медайым эмгектенген, 1970-жылы 150 койкалык оорукана болуп, 38 дарыгер, 148 медайым иштеген, 1980-жылы 260 койкалык оорукана болуп, 68 дарыгер, 280 медайым иштеген, 1990-жылылы 260 койкалык оорукана болуп, 76 дарыгер, 310 медайым эмгектенген.

1999-жылы бейтапкана республикалык сынакта 1-орунду жеңип алган.

2001-жылы 195 койкалык ооруканада 78 дарыгер, 378 медайым иштеген. 2002-жылы саламаттыкты сактоону реформалоонун натыйжасында райондук үй-бүлөлүк медицина борбору жана амбулатордук бөлүм болуп, 2 мекеме болуп уюшулган. Кийин №8 үй-бүлөлүк дарыгерлер тобу, 7 фельдшердик акушердик пункту (ФАП), 7 стационардык бөлүм, 3 амбулатордук бөлүм ачылган. 2021-жылдын 14-апрелинде кайра бириктирилип, Жумгал райондук жалпы дарыгерлер практикалык борбору (ЖДПБ) болуп уюшулган.

Учурда бейтапканада 26 дарыгер, 18 медайым, саламаттыкты сактоонун ардактуу

кызматкери, жогорку категориядагы 13 дарыгер, 61 медайым, биринчи категориядагы 4 дарыгер, 33 медайым эмгектенет.

Учурда тез жардам унаалары токтой турган 6 бокстуу автогараж куруу пландалууда. Ошондой эле, 20 койкалык 2 кабаттуу жугуштуу оорулар бөлүмүнүн имаратын куруу үчүн республикалык бюджеттен каржы бөлдүрүү маселеси каралып, долбоордук документтер жасалды.

Ооруканада жетекчи болуп иштегендер:

1. Камышыченко 1927-1930 жылдары;

2. Бакин 1930-1940 жылдары;

3. Капинос Фаина 1940-1948 жылдары;

4. Юркевич 1948-1951 жылдары;

5. Турусбек Исмаилов 1951-1956 жылдары;

6. Капар Токтомбаев 1956-1968 жылдары;

7. Сатыбек Солтонкулов 1969-1978 жылдары;

8. Аалы Орозбеков 1978-1984-жылдары;

9. Темирбек Мамыткожоев 1984-1986-жылдары;

10. Насирдин Кыдыралиев 1986-1989-жылдары;

11. Курманбек Алияскаров 1989-1991 жылдары

12. Тынчыбек Мамаев 1991-1995-жылдары;

13. Зарылбек Кожоналиев 1995-1997-жылдары;

14. Кыштообай Асанов 1997-1998-жылдары;

15. Кумар Токтомбаев 1998-2003-жылдары;

16. Анар Өмүрзакова 2001-2016-жылдары;

17. Гүлсара Казыбекова 2003-2007-жылдары;

18. Кыштообай Асанов 2007-2015-жылдары;

19. Садырбек Чыныбаев 2015-2016-жылдары;

20. Салтанат Султанова 2017-2018-жылдары;

21. Муратбек Акымбаев 2017-2018-жылдары;

22. Таалайбек Үркүнчиев 2018-2021-жылдары эмгектенген;

23. Айнур Тентиева 2019-жылдан бери иштеп келет.

Дарыгерлер:

К.Токтомбаев, Ш.Абышев, С.Солтонкулов, Т.Тыналиев, Т.Рысалиев, Б.Калиев, Т.Мамытов, А.Орозобеков, Б.Сарбанов, С.Эсентаева, С.Алымкулова, Ж.Кубаталиев, Ж.Сатыкеев, З. Кожоналиев, Г.Абдыкадырова, А.Орозобеков, Т.Мадиева, Т.Дүйшөналиев, Т.Көчмамбетов, Нуриса Калкабаева, Анар Өмүрзакова, Кыштообай Асанов, Г.Апселова, Бурул Бейшебаева, Мээрим Курманова, Акыл Нааматова, Жусупова, Дүйшөн Болотбеков, Нуржамал Акылбекова, К.Айдралиева, З.Муталиева, Т.Токтоназарова.