Аламүдүндө үрөй учурган кырсык катталып, каза тапкандардын өздүгү аныкталды (сүрөт, тизме)

Turmush — Чүй облусунун Аламүдүн районунда кырсык катталып, 2 адамдын өмүрү кыйылды. Бул тууралуу Turmush басылмасына окуянын күбөлөрү билдиришти.

Алардын айтымында, бүгүн, 23-июлда Аламүдүн районунун Сүймөнкул Чокморов айыл аймагына караштуу Октябрь айылындагы Пионерский көчөсүндө жол кырсыгы орун алган. Анда «Киа Пиканто» жана «Мицубиси Аутлендер» үлгүсүндөгү унаалар сүзүшкөн. Натыйжада 2 адам жеринде каза тапкан. Алар:

— «Киа Пиканто» үлгүсүндөгү унаасынын айдоочусу — Россия Федерациясынын жараны Б.А.Ф. (40-45 жашта);

— «Киа Пиканто» үлгүсүндөгү унаанын жүргүнчүсү — Кыргызстандын жараны Ш.Ч.Б. (1983-жылы туулган).

Алардын жансыз денелери Аламүдүн районунун өзгөчө кырдаалдар бөлүмүнүн куткаруучулары тарабынан автоунаадан чыгарылып, милицияга өткөрүлүп берилди.

Кырсыктын кесепетинен жабыр тарткан «Мицубиси Аутлендер» үлгүсүндөгү унаанын айдоочусу Г.Н.М. (1954-жылы туулган) тез жардам кызматы менен Чүй облустук ооруканага жеткирилди.