Turmush — Алай районунун Памир-Алай айыл аймагына караштуу Талды-Суу айылындагы Кашка-Суу жайлоосуна баруу үчүн көпүрө курула баштады. Бул тууралуу Памир-Алай айыл өкмөттүн башчысы Кутманали Анарбаев билдирди.

Маалыматка караганда, жергиликтүү бюджеттин эсебинен курулуш материалдары, күйүүчү май, 4 тонна цемент жана 1 тонна арматура алынды.

Көпүрө курууга жалпы 17 тургун тартылып, эмгек акы катары азык-түлүк программасы аркылуу 3 каптан ун, 15 литрден өсүмдүк майы берилет.