«Ала-Арча» паркындагы дарыядан аялдын жансыз денесин алып чыгышты (видео)

Turmush — Чүй облусунун Аламүдүн районунда жайгашкан «Ала-Арча» жаратылыш паркындагы дарыядан аялдын жансыз денеси табылды.

Turmush басылмасына белгилүү болгондой, бүгүн, 18-июль күнү Аламүдүн районундагы өзгөчө кырдаалдар бөлүмүнүн куткаруучулары «Ала-Арча» паркында Адыгене көлүн текшерип келе жатышкан. Аларга белгисиз аял дарыяга агып кеткени тууралуу чукул кабар түшүп, жерине барышкан.

Куткаруучулар дарыядан аялдын жансыз денесин таап, Аламүдүн райондук ички иштер бөлүмүнүн кызматкерлерине өткөрүп беришти.