Акжол Махмудов Германиянын клубдук чемпионатында үчүнчү жеңишине жетти

Кыргызстандын грек-рим балбаны Акжол Махмудов Германиянын клубдук чемпионаты Бундеслигада үчүнчү жеңишине жетишти.

Махмудов аталган мелдешке Германиянын «Шорндорф» клубунун катарында катышууда.

Кыргызстандык балбандын клубу 10-октябрда ASV Urloffen командасы менен таймаш өткөрдү. Анын алкагында Махмудов (80 кг) болгариялык Айк Мнацаканян менен кез келип, 7:5 эсебинде жеңишке жетти.

Ошондой эле Акжол Махмудовдун командасы атаандаш клубду 29:4 эсебинде жеңди.

Махмудов «Шорндорфтун» катарында күрөшө баштагандан бери 4 беттеш өткөрдү. Анын үчөөндө жеңишке жетип, бирөөндө жеңилүү ызасын тартты.

Бундеслига: Акжол Махмудов экинчи жеңишине жетишти (видео)