Turmush — Кыргыз эл жазуучусу, филология илимдеринин доктору, академик Советбек Байгазиевге Кыргыз-Өзбек эл аралык университетинин окумуштуулар кеңешинин чечими менен университеттин «Ардактуу профессору» наамы ыйгарылды.

Аталган сыйлыкты окуу жайдын ректору, профессор Абдилбает Мамасыдыков Ала-Бука кесиптик колледжинин 25 жылдыгына жана Кыргыз Республикасынын эмгеги сиңирген мугалими Салийма Рысбаеванын 70 жылдык маарекесине арналып өткөрүлгөн эл аралык илимий-практикалык конференцияда тапшырды.

Советбек Байгазиев университеттин жетекчилигине, жалпы жамаатка ыраазычылыгын айтып, окуу жайдын илимий ишмердүүлүгүнө жакындан жардам берүү аракетин көрөрүн билдирди.