Ак-Талаанын Кызыл-Белес айылындагы сугат суу сактагычы 9 млн сомго оңдолууда

Turmush — Нарын облусунун Ак-Талаа районунун Тоголок Молдо айыл аймагына караштуу Кызыл-Белес айылындагы сугат суусун жөнгө салуучу бассейн оңдолууда.

Тоголок Молдо айыл өкмөтүнүн маалыматына караганда, союз мезгилинен ушул убакка чейин бир дагы жолу тазаланбай, ичи кум-шагылга толуп, пайдалануудан чыгып калган сугат суу сактагычын тазалоо иштери жүрүүдө.

Ишти ааткаруу үчүн райондук өнүктүрүү фондунан 8 млн 194 миң 512 сом, жергиликтүү бюджеттен өздүк салым 912 миң сом акча бөлүнгөн. Жалпы наркы 9 млн 106 миң 512 сомду түзүп, тазалоо жана оңдоо иштери жүргүзүлүүдө.