Ак-Суудагы сел суулары 10 турак үйдүн короосун каптады

Turmush — Каракол—Эңилчек унаа жолу бир тараптуу ачылып, айылдагы суунун нугу бурулду. Бул тууралуу ӨКМдин басма сөз кызматы билдирди.

Маалыматка караганда, бүгүн,16-июль күну саат 11:45 чамасында Ак-Суу районунун Кадыр-Аке айыл аймагына караштуу Эңилчек айылында кыска мөөнөттүү жааган жамгырдын кесепетинен сел суулары 10 турак үйдүн короосун каптап жаткандыгы тууралуу маалымат түшкөн.

Жерине ӨКМдин Ак-Суу району боюнча өзгөчө кырдаалдар бөлүмүнөн ыкчам топ жана аталган айыл аймактын 2 кызматкери тартылган. Жергиликтүү тургундар менен суунун нугун буруу аракеттерин жасашты.

Ушул эле күнү Каракол—Эңилчек унаа жолунда 75-76-77-чакырым аралыктарында 4 тилкеде болжол менен 1482 м3 таш көчкү түшкөнү маалымдалган. ӨКМдин Ак-Суу райондук №39 ӨКБдан 2 куткаруучу жана №11 ЖТИден 4 кызматкер, 1 жүктөгүчү жана тралл жөнөтүлүп, саат 23:00 чамасында унаа жолу бир тараптуу ачылган.

Учурда жолду кеңейтүү иштери уланууда.