Turmush — Бүгүн, 28-июнда кайтарымсыз 100 миң сомдун сертификаттары тапшырылды. Бул тууралуу райондук мамлекеттик администрациясынан билдиришти.

Маалыматка караганда, райондо аз камсыз болгон үй-бүлөлөргө кайтарымсыз 100 миң сомдун сертификатын район акими Мунарбек Насиров тапшырды. Жалпы 83 үй-бүлөгө социалдык контракт боюнча жардамдар каралган. Анын ичинен 13 үй-бүлө Бүткүл дүйнөлүк банктын «Социалдык жардам жана эмгек рыногу программаларын бекемдөө» долбоору аркылуу, калган 70 үй-бүлө Эмгек, социалдык камсыздоо жана миграция министрлигинен каржыланат.

Ак-Суу району боюнча 2022-жылы жылы 50 үй-бүлөгө, 2023-жылы 256 үй-бүлөгө социалдык контракт боюнча жардам берилген.