Ак-Суу районунда 35 мектепте акыркы коңгуроо аземи өттү

Turmush — Ак-Суу районунда 35 мектепте акыркы коңгуроо аземи өттү. Анда 729 окуучу 11-классты аяктады. Бул тууралуу аймактык кабарчы билдирди.

Маалыматка ылайык, Ак-Суу району боюнча 13249 окуучу үчүн акыркы коңгуроо кагылды. Анын ичинен 32 мектепте 11-классты 729 окуучу, 9-классты 1179 окуучу аяктап жатат.

Акыркы коңгуроо салтанатында коомдук коопсуздукту камсыз кылуу үчүн Ак-Суу райондук ИИБдин 46 кызматкери жеринде иш алып барды.

Ал эми район аймагындагы тоо, көл жана маданий аймактарда милиция кызматкерлери 6 унаа менен күчөтүлгөн тартипте иш алып барды.