Turmush — Чүй облусунун Токмок шаарына жакын жерде, айланма жолдо эки унаанын катышуусунда жол кырсыгы катталды. Бул тууралуу аймактык кабарчыга күбөлөр билдиришти.

Окуя кечээ, 7-июнда саат 15:00 чамасында болгон.

Ал эми Токмок шаардык жалпы дарыгерлер практикалык борборунан билдиришкендей, аталган кырсыктан 6 киши жабыркаган. Алар:

— 1980-жылы туулган М.С.;

— 2005-жылы туулган К.К.;

— 2002-жылы туулган А.К.;

— 2002-жылы туулган А.Б.;

— 2001-жылы туулган Т.И.;

— 1999-жылы туулган С.Э.;

Баарынын абалдары орто оор. Сыныктар бөлүмүндө дарыланып жатышат.