Turmush — Жумгал районунун Миң-Куш айыл аймагына караштуу Кабак айылындагы Үңкүр-Сай жайлоосуна эс алууга баргандардын саны арбын. Turmush басылмасы ал жерде тартылган видео менен бөлүшөт.

Үңкүр-Сай жайлоосу Бишкек шаарынан 360 чакырым, Жумгал районунун борборунан 54 чакырым аралыкта жайгашкан. Эгерде Чаектен Үңкүр-Сай жайлоосуна барууну кааласаңыз, анда Чаектен Сары-Булуң айылындагы май куюучу жайга чейин 36 чакырым, андан ары Үңкүр-Сайга чейин 18 чакырым, андан бери Хан-Салык аймагына чейин 9 чакырым жолду басасыз. Андан ары Ак-Көл көлүнө чейин 10 чакырым аралыкты басып өтөсүз. Көл менен Үңкүр-Сай жайлоосундагы боз үйлөр лагерине чейинки аралык 2 чакырым жолду түзөт.

Үңкүр-Сай жайлоосундагы тоонун түбүндө чоң үнкүр бар. Ал кеминде 3-4 бөлмөдөн турат.

Жергиликтүүлөр бул жерди көлдөр, тоолор жана каньондордун сырдуу өлкөсү деп аташат.

Ак-Көл көлүнүн өзү Түндүк-Түштүк унаа жолунан 10 чакырым алыстыкта жайгашкан.

Ал эми 50 метр бийиктиктен агып түшкөн Бүлдүркөн аттуу шаркыратма Кызыл-Октябрь айылына жакын жайгашкан. Ал жерге барып, сүрөткө түшкөндөр арбын.