7-апрелге чейин тоолуу райондордо кар көчкү түшүүсү мүмкүн

Turmush — 4-апрелден 7-апрелге чейин абанын температурасынын жогорулашына байланыштуу Кыргызстандын тоолуу райондорунда кар көчкү түшүүсү мүмкүн. Бул тууралуу ӨКМден кабарлашты.

Маалыматка караганда, Бишкек–Ош унаа жолунун 121-138-чакырымында (Төө-Ашуу ашуусу), 198-255-чакырымында (Ала-Бел ашуусу, Чычкан капчыгайы), Бишкек–Нарын–Торугарт 289-305-чакырымында (Долон ашуусу, Кара-Үңкүр капчыгайы), Казарман–Ак-Тал–Чат унаа жолунун 60-94-чакырымында (Кара-Гөө ашуусу), Каракол–Эңилчек унаа жолунун 45-50, 65-90-чакырымында (Чоң-Ашуу ашуусу), Барскоон–Ак-Шыйрак унаа жолунун 52-68-чакырымында (Сөөк ашуусу) кар көчкү түшүүcү мүмкүн. Айрым жерлерде жолдор тайгак болуп муз тоңот.