Turmush — Нарын облусунун Жумгал районунун аймагында окуучусу 100гө жетпеген мектептер бар. Аларда 25-май — акыркы коңгуроо аземи салтанаттуу түрдө белгиленди.

Жумгал районунун Арал айылындагы Бүбүайда Кожоналиева атындагы орто мектебинде 11-классты 5 бүтүрүүчү, 9-классты 13 бүтүрүүчү аяктап жатат. Мектепте жалпы 90 окуучу бар. Аларга 18 мугалим билим берет.

Жумгал районунун Лама айылындагы Лама орто мектебинде 11-классты 8 бүтүрүүчү, 9-классты 10 бүтүрүүчү аяктап жатат. Бул мектепте жалпы 23 мугалим 108 окуучуга билим берет.

Жумгал районунун Беш-Терек айылындагы Кекилик уулу Жолдошбек атындагы орто мектебинде 9-классты 11 бүтүрүүчү, 11-классты 6 бүтүрүүчү бүтүрүп жатат. Мектепте 20 мугалим 126 окуучуга сабак берет.

Жумгал районунун Эпкин айылындагы 9-класска чейинки билим берген Акун Садырбаев атындагы орто мектебинде 9-классты 10 бүтүрүүчү аяктоодо. Мектепте жалпы 113 окуучуга 22 мугалим билим берип келет.

Жумгал районунун Сары-Камыш айылындагы Кызыл-Октябрь орто мектебинде 8 бүтүрүүчү 11-классты, 5 бүтүрүүчү 9-классты аяктап жатат. Аталган мектепте жалпы 83 окуучу бар.