Turmush — Өзгөн районундагы студенттер жалгыз жашаган карылардан кабар алып, үй жумуштарына жардам беришти. Бул тууралуу райондук администрациядан билдиришти.

Райондо ыктыярчы студенттер социалдык коргоо башкармалыгынын кызматкерлери менен биргеликте «Улгайган жарандарга көңүл буруу жана камкордук көрсөтүү» аталышындагы бир айлык акция уюштурушкан. Иш-чаранын алкагында улгайган жарандардан кабар алып, үй жумуштарына жардам беришти.

Ыктыярчы студенттер Өзгөн районунун 6 айыл өкмөтүндө жашаган карыялардан кабар алып келишти.

Өзгөн районунда жалпы тейлөөдө 231 жаран, анын ичинен 57 жалгыз бой карыя бар.